​Nazir: “Ölkədə qeyri-kommersiya təşkilatlarının sayı 4 100-ə, KİV-lərin sayı isə 5 000-ə çatmaq üzrədir”

Bakı. 21 noyabr. REPORT.AZ/ “Vətəndaş cəmiyyətinin inkişafında mühüm rolu olan qeyri-hökumət təşkilatlarının sayının ilbəil artması davam edib. Hazırda ölkədə qeyri-kommersiya təşkilatlarının sayı 4 100-ə, KİV-lərin sayı isə 5 000-ə çatmaq üzrədir”. “Report”un xəbərinə görə, bunu Azərbaycan ədliyyə naziri Fikrət Məmmədov bildirib.

“Həmçinin dövlət başçısının “Qeyri-hökumət təşkilatlarına elektron xidmətlərin göstərilməsinin təkmilləşdirilməsi ilə bağlı tədbirlər haqqında” fərmanına əsasən, qeydiyyata alınmış təşkilatlar barədə elektron məlumat bazası yaradılıb, “Fərdi elektron pəncərə” elektron məlumat sistemi istifadəyə verilib”, - nazir bildirib.