Mövlud Çavuşoğlu “Haber Global”ın jurnalistinin səhhəti ilə maraqlanıb - VİDEO

Türkiyənin xarici işlər naziri Mövlud Çavuşoğlu Kahramanmaraşda FHN-in mobil səhra hospitalında qardaş ölkənin “Haber Global” televiziyasının jurnalistinin səhhəti ilə maraqlanıb.

"Report"un Türkiyəyə ezam olunmuş əməkdaşının xəbərinə görə, nazir jurnalist Ela Sezenin sifət nahiyəsində problem olduğuna diqqət edib və vəziyyəti barədə soruşub.

Jurnalist isə təzyiqinin yüksəldiyini, burnundan qan açıldığını, ona ilkin tibbi yardım göstərildiyini bildirib.

Çavuşoğlu jurnalistə diqqətli olmağı tövsiyə edib.

Qeyd edək ki, “Haber Global” televiziyasının əməkdaşı Ela Sezenə tibbi yardım FHN-in mobil səhra hospitalında göstərilib.