"Ölümcül Miras" filminin rejissoru: Mina təhlükəsi barədə məlumatlı deyildim

Belə bir vacib və aktual sənədli filmi hazırlayan komandanın üzvü olmaq mənim üçün böyük şərəfdir.

"Report" xəbər verir ki, bunu Qarabağ Dirçəliş Fondunu sifarişi ilə "Beach House Pictures" şirkəti tərəfindən hazırlanan "Ölümcül Miras" filminin rejissoru Elison Ceyn Uilson qapalı təqdimat mərasimində çıxışı zamanı deyib.

O, uzun müddət sosial ədalət, mühüm ictimai məsələlərə həsr olunmuş filmlər üzərində çalışdığını və özünü bu mövzularda kifayət qədər məlumatlı insan hesab etdiyini vurğulayıb:

"Amma səmimi etiraf edə bilərəm ki, bu film üzərində işləməyə başlamazdan əvvəl mina təhlükəsi barədə, əslində, düşündüyüm qədər məlumatlı deyilmişəm".