İstanbulda Türk Dünyasının mədəni irsinin idarə olunması üzrə təcrübə mübadiləsi proqramı keçirilir

Türk Mədəniyyəti və İrsi Fondunun təşəbbüsü ilə Türkiyənin İstanbul şəhərində keçirilən Türk Dünyasının mədəni irsinin idarə olunması üzrə təcrübə mübadiləsi proqramı başlayıb.

"Report" xəbər verir ki, Türk Dünyasının mədəni irsinin idarə olunması ilə əlaqəli qurumların iştirakı ilə gerçəkləşən proqram sentyabrın 27-dək davam edəcək.

Təcrübə mübadiləsi məqsədilə həyata keçirilən proqrama Azərbaycan, Qazaxıstan, Qırğızıstan, Türkiyə, Macarıstan, Özbəkistan və Türkmənistandan sahə üzrə yüksək ixtisaslı mütəxəssislər qatılır.

Həmçinin layihə çərçivəsində Türk Əməkdaşlıq və Koordinasiya Agentliyi (TİKA), Fatih Bələdiyyəsi, İstanbul Ticarət Universiteti və Türk Dünyası Fondu tərəfdaş qismində yer alırlar.