Azərbaycan ilə Pakistan arasında mədəni əməkdaşlıq müzakirə olunub

Mədəniyyət naziri Anar Kərimov ilə Pakistanın Azərbaycandakı səfiri Bilal Haee arasında ikitərəfli əməkdaşlıq məsələləri müzakirə olunub.

“Report” xəbər verir ki, bu barədə səfir tviter səhifəsində məlumat paylaşıb:

“Pakistan ilə Azərbaycan arasında mədəni əməkdaşlığı gücləndirməyi müzakirə etmək üçün mədəniyyət naziri Anar Kərimov tərəfindən dəvət edildim. Diplomatik münasibətlərimizin 30 illiyi münasibətilə Pakistan Mədəniyyət Festivalı keçirmək təklifi barədə nazirə məlumat verdim”.