Yaponiya sahilləri yaxınlığında bir ada batıb

Bakı. 2 noyabr. REPORT.AZ/ Yaponiyanın şimal sahilləri yaxınlığında, Kuril adalarının cənubundakı kiçik və əhalisi olmayan Esanbe Hanakita Kodzima adası suyun altında qalıb.

“Report” “İnterfax”a istinadən xəbər verir ki, Yaponiya Sahil Mühafizəsinin son dəfə 1987-ci ildə araşdırma apardığı ada dəniz səviyyəsindən 1,4 metr yüksəklikdə idi.

Esanbe Hanakita Kodzima adası Yaponiya hökumətinin hüquqlarını bəyan edərək müstəsna iqtisadi zonasını genişləndirmək üçün 2014-cü ildə adlar verdiyi 158 xırda adadan biridir.