Bakı 21° C
ABŞ Federal Təhqiqatlar Bürosu (FTB) 1945-ci ildə Adolf Hitlerin Argentinaya qaçması ehtimalını araşdırıb.
“Report” xəbər verir ki, bu barədə gizliliyi yeni ləğv edilərək FTB-nın saytında yerləşdirilən sənədlərə görə, Almaniyanın nasist diktatorunun sualtı qayıqla Argentinaya gedib yerli hökumətin yüksək rütbəli rəsmilərinin köməyi ilə bu ölkənin ucqar cənub bölgəsində, dağların qoynunda özünə sığınacaq tapmas; ehtimalı irəli sürülür. O zamankı qeyddə məşhur bığlarını qırxan nasist liderin astom və xoralardan əziyyət çəkdiyi də göstərilir.
1945-ci il 21 oktyabr tarixli sənədə görə, Hitlerdən başqa, Üçüncü Reyxin yüksək vəzifəli daha 50 nəfəri də qaçıb gizləndiyi məlum olub. Həmin hadisələrin 1945-ci il mayın 9-da Berlinin təslim olunmasından iki həftə sonra baş verdiyi ehtimalı irəli sürülür.
Məxfi məlumatların çatdırıldığı FTB-nin ilk direktoru Edqar Huverdən başqa, onlardan xəbərdar olan hərbi kəşfiyyat bu araşdırmanı natamam hesab edərək, o vaxt Hitleri axtarmamaq qərarına gəlibmiş.
