Tinder modeli gözəlliyinə görə blokladı

Tinder tanışlıq tətbiqetməsi şəkilləri tez-tez fırıldaqçılar tərəfindən istifadə olunduğuna görə 21 yaşlı model Luna Bennanın hesabını bloklayıb.

Bu barədə “Report” “Mirror”a istinadən xəbər verir.

Tabloidə görə, 2017-ci ildə saytda qeydiyyatdan keçən modelin fotoları fırıldaqçılar tərəfindən populyarlaşıb və nəticədə onun şəkilləri ilə saxta hesablar yaranıb.

Tətbiq fırıldaqçıların qarşısını almağa başlayıb, lakin alqoritmlər həqiqi profili saxta profildən ayıra bilmədiyi üçün Lunanın da səhifəsini bloklayıb.