İngiltərədə 460 il fəaliyyət göstərmiş pab bağlanıb

İngiltərənin Şimali Yorkşir qraflığında 460 il fəaliyyət göstərmiş ən qədim pablardan biri bağlanıb.

“Report” xəbər verir ki, bu barədə “The Drinks Business” nəşri məlumat yayıb.

“Windmill Inn” pabı Linton kəndində, Kraliça I Elizabetin iqtidarı dövründə 1564-cü ildə açılıb. Nəşr qeyd edib ki, son bir neçə ildə müəssisə “heç də ən yaxşı dövrünü yaşamırdı”.

“Hazırda icarədarlarla müqavilənin müddəti başa çatıb. Onlar sadəcə müqaviləni uzatmaq istəmədilər”, – pabın baş meneceri bildirib.

Ehtimal olunur ki, yeni icarədarlar tapıldıqdan sonra müəssisə yenidən açıla bilər.