Dünyanın ən zəngin 500 adamı bu il 1,4 trilyon dollar itirib

Dünyanın ən zəngin 500 adamı 2022-ci ilin birinci yarısında 1,4 trilyon dollar itirib ki, bu da milyarderlərin sərvətində indiyə qədərki ən böyük azalmadır.

"Report" xəbər verir ki, bu barədə "Bloomberg" məlumat yayıb.

"Tesla"nın sahibi İlon Maskın sərvəti təxminən 62 milyard dollar azalıb. "Amazon"un qurucusu Ceff Bezos 63 milyard dollar itirib. "Meta" şirkətinin baş direktoru Mark Zukerberqin sərvəti ilin birinci yarısında iki dəfə azalıb.

Sərvətinin azalmasına baxmayaraq, dünyanın ən varlı adamları reytinqdəki mövqelərini qoruyub saxlayırlar. Mask hələ də 208,5 milyard dollarla ən böyük xalis sərvətə sahibdir. Bezos 129,6 milyard dollarla ikinci yerdədir.