Çexiyada idarəetmədən çıxan avtomobil “uçaraq” qadının başına çarpılıb

Çexiyanın paytaxtı Praqada “Suzuki” markalı avtomobilin sürücüsü idarəetməni itirərək əvvəl beton baryerə, daha sonra isə havaya qalxıb və səkidə hərəkət edən piyadanın başına çarpılıb.

“Report” Çexiya KİV-ə istinadən xəbər verir ki, hadisə nəticəsində kəllə-beyin travması alan 49 yaşlı qadının həyatına təhlükə qalmaqdadır.

Bildirilib ki, qəzanı törədən 19 yaşlı sürücü yüngül xəsarətlər alıb.

“Hadisə şəhərin Dolnomeçolupska küçəsində olub. Görüntüləri təhlil edirik. Olayın necə baş verdiyi əslində məlumdur. Sürücü spirtli içkinin təsiri altında olmayıb. Yekun təhlildən sonra hesabatımızı hazırlayacağıq”, - paytaxtın tibbi xilasetmə xidmətinin sözçüsü Yana Poştova vurğulayıb.