Azərbaycanda yeniyetmə 70-dən çox ölkənin pullarından ibarət kolleksiya yığıb - FOTO

Bakı. 19 dekabr. REPORT.AZ/ Azərbaycanda 16 yaşlı yeniyetmə 70-dən çox ölkənin kağız və dəmir pullarından ibarət kolleksiya yığıb.

"Report" xəbər verir ki, Fərrux Ələkbərzadə Zaqatala şəhəri, 1 saylı orta məktəbin 11-ci sinif şagirdidir.

Dərslərini əla qiymətlərlə oxuyan Fərrux, dəfələrlə respublikada keçirilən bilik yarışları və müsabiqələrinin qalibi olub. Onun ən çox sevdiyi fənn tarixdir. Fərruxun pul kolleksiyası toplamaq həvəsi, bu fənnə olan marağından irəli gəlib. O bu işlə artıq üç ilə yaxındır məşğul olur. Kolleksiyada həm qədim, həm də müasir dövrdə istifadə olunan əsginaslar mövcuddur. Fərruxun pul yığdığını bilənlərdən bu kolleksiyanı almaq istəyən olsa da, o buna razılıq verməyib.