Azərbaycanda gömrük orqanlarının xətti ilə büdcə daxilolmaları 33% artıb

Bakı. 8 sentyabr. REPORT.AZ/ Bu ilin yanvar-avqust aylarında Dövlət Gömrük Komitəsinin (DGK) xətti ilə büdcə daxilolmaları 2 270,965 mln. manat təşkil edib.

“Report” DGK-ya istinadən xəbər verir ki, bu, ötən ilin eyni dövrü ilə müqayisədə 33% çoxdur.

Son 1 ildə gömrük rüsumları üzrə daxilolmalar 30,4% artaraq 584,055 mln. manat, əlavə dəyər vergisi (ƏDV) üzrə daxilolmalar 30,9% artaraq 1 549,044 mln. manat, aksizlər üzrə daxilolmalar 2,1 dəfə artaraq 113,552 mln. manat, yol vergisi üzrə daxilolmalar isə 7,3% artaraq 24,313 mln. manat olub.