ABŞ və Sinqapur blokçeyn texnologiyasına əsaslanan ödəniş sistemi yaradıb

ABŞ-ın "JP Morgan" investisiya bankı və Sinqapurun Pul-kredit təşkilatı (Monetary Authority of Singapore - MAS) blokçeyn texnologiyasına əsaslanan ödəniş sistemi yaradıb. 

"Report" bu barədə xarici mətbuata istinadən xəbər verir. 

Məlumata görə, yeni sistem ödənişləri müxtəlif valyutalarda aparmağa imkan verir. Bu, müxtəlif maliyyə əməliyyatlarında blokçeyn texnologiyasının rolunu araşdırmaq üçün həyata keçirilən Ubin layihəsinin bir hissəsi hesab olunur.