Valyuta mübadiləsi xidməti göstərən şirkətlərdən biri AMB-nin kapital tələbini yerinə yetirib

Azərbaycanda valyuta mübadiləsi xidməti göstərən şirkətlərdən biri - "Delta Capital" MMC Azərbaycan Mərkəzi Bankının (AMB) bu fəaliyyət növü üçün qoyduğu kapital tələbini yerinə yetirib.

"Report" xəbər verir ki, şirkət nizamnamə kapitalını kəskin artıraraq 20 manatdan 600 000 manata çatdırıb.

Bu məbləğ "Delta Capital"a Bakıda bir valyuta dəyişmə məntəqəsi ilə fəaliyyət göstərməyə imkan verir. Paytaxtda 2-ci məntəqəni açmaq üçün isə şirkət kapitalını 50 % artıraraq 900 min manata çatdırmalıdır.

"Delta Capıtal" 2021-ci ildə yaradılıb.