Türk lirəsi ABŞ dolları qarşısında növbəti dəfə rekord həddə ucuzlaşıb

Türkiyə Mərkəzi Bankının (TMB) uçot dərcəsini bir qədər də azaldacağına dair gözləntilər fonunda türk lirəsi ABŞ dolları qarşısında növbəti dəfə rekord həddə ucuzlaşıb.

“Report” xarici mətbuata istinadən xəbər verir ki, bu gün Bakı vaxtı ilə saat 15.15 radələrində qonşu ölkədə 1 Amerika valyutası 10,25 lirəyə bərabər olub.

Xatırladaq ki, lirənin kəskin ucuzlaşması ötən ayın ortalarında TMB-nin üç vəzifəli şəxsinin, o cümlədən sədrin iki müavinin işdən çıxarılması fonunda başlayıb. Oktyabrın sonunda isə tənzimləyici qurum uçot dərəcəsini 18 %-dən 16 %-ə endirib. Bundan sonra milli valyutanın ucuzlaşması sürətlənib.