Rusiya Bankı uçot dərəcəsini 11%-ə endirib

Rusiya Bankının (Mərkəzi Bank) Direktorlar Şurası uçot dərəcəsinin 3 faiz bəndi azaldaraq 14%-dən 11%-ə endirilməsi barədə qərar qəbul edib.

“Report” bu barədə Rusiya mətbuatına istinadən xəbər verir.

Faizin azaldılmasına səbəb rublun məzənnəsinin möhkəmlənməsi və əhalinin inflyasiya gözləntilərinin azalması olub.

Xatırladaq ki, Rusiya Bankı fevralın 28-də Ukrayna ilə bağlı baş verənlər fonunda rublun kəskin ucuzlaşmasının qarşısını almaq üçün uçot dərəcəsinin birdən-birə 10,5 faiz bəndi artıraraq 9,5%-dən 20%-ə qaldırmış, sonradan 17%-ə, daha sonra isə 14%-ə endirmişdi.