Özbəkistan Azərbaycanın aqrar sığorta sahəsində təcrübəsindən yararlanacaq

"Azərbaycanın aqrar sığorta təcrübəsini Özbəkistanda tətbiq edəcəyik".

"Report" xəbər verir ki, bunu jurnalistlərə açıqlamasında Türkiyənin Kənd Təsərrüfatı Sığortası Birliyinin (TARSİM) İdarə Heyətinin sədri Osman Yıldız bildirib.

"Azərbaycanda Türkiyənin aqrar sığorta modeli qurulub, təcrübə qazanılıb. Bu təcrübə, qarşıya çıxan çətinliklər, əldə edilən bilik sistemin daha effektiv və gəlirli çalışmasına kömək edir. Azərbaycan bu sistem üçün önəmlidir. Yəni, Türkiyənin aqrar sığorta modeli Azərbaycanda uğurla tətbiq edilə bilirsə, bu Özbəkistanda da ola bilər. Türkiyə və Azərbaycan birlikdə aqrar sığorta sistemini Özbəkistanda qurmaq üçün əlindən gələni əsirgəməyəcək", - deyə o qeyd edib.