Naxçıvanda əhaliyə göstərilən ödənişli xidmətlərin ümumi dəyəri 9 % azalıb

Bu ilin yanvar-aprel aylarında Naxçıvan Muxtar Respublikasında əhaliyə göstərilən ödənişli xidmətlərin ümumi dəyəri 70,8 milyon manat təşkil edib.

Bu barədə "Report"un yerli bürosuna Naxçıvanın Dövlət Statistika Komitəsindən bildirilib.

Məlumata görə, bu, ötən ilin eyni dövrü ilə müqayisədə 9 % azdır.

Bundan başqa, ötən 4 ayda muxtar respublikada göstərilən informasiya və rabitə xidmətlərinin dəyəri isə 1 il əvvələ nisbətən 61,7 % azalaraq 5,2 milyon manat olub. Xidmətlərin 32 %-i qeyri-dövlət sektorunda formalaşıb.