Mikayıl Cabbarov: "Bu il dövlət sosial sığorta ödənişləri üzrə daxilolmalar 8,8 % artıb"

"Əmək bazarında şəffaflaşmaya yönəlik islahatlar uzunmüddətli hədəflərə söykənir".

"Report" xəbər verir ki, bunu Azərbaycanın iqtisadiyyat naziri Mikayıl Cabbarov feysbuk səhifəsində yazıb.

Nazir qeyd edib ki, bu il sosial sığorta üzrə daxilolmalar proqnozdan artıqdır: "Cari ilin iki ayında məcburi dövlət sosial sığorta ödənişləri üzrə daxilolmalar əvvəlki ilin eyni dövrü ilə müqayisədə 8,8 % artıb, proqnozdan əlavə daxilolma 65,4 mln. manat təşkil edir".