Maliyyə naziri: "Maya dəyəri ilə satış qiyməti arasındakı fərqə görə 697 milyon manat ayrılacaq"

Azərbaycanda gələn il Əhaliyə birbaşa və dolayısı ilə xidmət göstərən bəzi müəssisələrdə xidmət haqlarının, tariflərin maya dəyərindən aşağı olması hesabına yaranan zərərin örtülməsi, həmçinin bir sıra dövlət və qeyri-dövlət təşkilatlarına, təhsil, idman, mədəniyyət müəssisələrinə maliyyə yardımının edilməsi üçün növbəti ilin dövlət büdcəsindən ümumilikdə 697 milyon manat vəsait ayrılacaq.

“Report” xəbər verir ki, bunu Milli Məclisin İqtisadi siyasət, Sənaye və Sahibkarlıq komitəsinin iclasında maliyyə naziri Samir Şərifov bildirib.

Onun sözlərinə görə, bu, illik müqayisədə 6,6% çoxdur.