Hesablama Palatası ötən il 4 milyard manata yaxın vəsaitlə bağlı analitik fəaliyyət icra edib

2023-cü ildə Hesablama Palatasının analitik fəaliyyəti 3 milyard 623,3 milyon manat vəsaiti əhatə edib.

"Report" xəbər verir ki, bunu keçirdiyi mətbuat konfrasında Palatanın sədri Vüqar Gülməmmədov bildirib.

"Ötən il 4 analitik fəaliyyət həyata keçirilib, bunlardan 3-ü başa çatdırılıb. Aşkar olunmuş nöqsanların ümumi məbləği 1 milyard 971,9 milyon manat təşkil edib. Büdcəyə dəymiş ziyan 103,2 milyon manat müəyyən olunub", - deyə o qeyd edib.