Gələn il Bakı metrosu 52 milyon manat subsidiya alacaq

Gələn il Azərbaycanda nəqliyyat və rabitə xərcləri üçün dövlət büdcəsindən 217,6 milyon mant vəsait ayrılacaq.

"Report"un xəbərinə görə, bu məsələ "2022-ci il dövlət büdcəsi zərfi haqqında” qanun layihəsində əksini tapıb.

Bunun 51,9 milyon manatı "Bakı Metropoliteni" QSC-yə (xidmət haqqı maya dəyərindən aşağı olduğu üçün), 10 milyon manatı "Azərbaycan Hava Yolları" QSC-yə (Naxçıvana uçuşlar üçün), 23 milyon manatı isə Rəqəmsal İnkişaf və Nəqliyyat Nazirliyi yanında Kosmik Agentliyə ("Azərkosmos", kredit borcunun qarşılanması, bu məqsədlə nizamnamə kapitalının artırılması) subdidiya formasında yönəldiləcək. Beləliklə, ümumi maliyyə yardımı 84,9 milyon manat təşkil edəcək.