"Bakı Metropoliteni" 1,6 milyon manatlıq 2 tenderə yekun vurub

"Bakı Metropoliteni" QSC müxtəlif növ kompüter və kompüter avadanlıqlarının (1), eləcə də Bənövşəyi xəttə aid "Xocasən” elektrik deposunda sahədaxili içməli və yanğın əlehinə su xəttinin quraşdırılması (2) ilə bağlı elan etdiyi 2 açıq tenderə yekun vurub.

"Report" dövlət satınalmalarının vahid internet portalına istinadən xəbər verir ki, tenderlərin qalibi müvafiq olaraq "İnfinitech" və "TMS LTD" MMC-lərdir.

Qalib şirkətlərə 1 154,8 min manat və 437,4 min manat, ümumilikdə isə 1 592,2 min manat ödəniləcək.