Azərbaycanın lizinq şirkətinin səhmdarları dəyişib

"Level Leasing" ASC-nin səhmlərinin müvafiq olaraq 52 %-nə və 10 %-nə nəzarət edən Mənzər Qarayeva və Rəqsanə Məmmədova paylarını satıblar.

"Report" xəbər verir ki, onların paylarını Zərifə Quliyeva (27,9 %), Nuranə Mehrəliyeva-Rzayeva (27,9 %) və Lalə Bədirova (6,2 %) alıb.

Səhmlərin 38 %-i əvvəlki kimi "Hermes Finance" ASC-yə məxsusdur. N.Mehrəliyeva-Rzayeva həm də bu şirkətdə 45 % pay sahibidir. "Level Leasing"in direktoru Həmid Mirzəyev isə "Hermes Finance"ın səhmlərinin 10 %-nə sahibdir.

Xatırladaq ki, "Level Leasing" 2023-cü ildə yaradılıb. Onun nizamnamə kapitalı 1,05 milyon manatdır.