Azərbaycanın cari əməliyyatlar balansında ötən il kəsir yaranıb

2020-ci ildə Azərbaycanın cari əməliyyatlar balansında (CƏB) 227,6 milyon ABŞ dolları məbləğində kəsir yaranıb. Halbuki, 2019-cu ildə CƏB üzrə 4 364,9 milyon dollar qalıq yaranmışdı.

“Report” bu barədə Azərbaycan Mərkəzi Bankına istinadən xəbər verir.

Məlumata görə, illik kəsir xarici ticarət balansında 2 511,6 milyon dollarlıq qalıq (illik müqayisədə 3,4 dəfə az), xidmətlər balansındakı 2 840,7 milyon dollarlıq kəsir (8,6% çox), ilkin gəlirləri balansındakı 456,3 milyon dollarlıq kəsir (4,5 dəfə az) və təkrar gəlirlər balansındakı 557,8 milyon dollarlıq qalıq (9,7% çox) hesabına formalaşıb.