Azərbaycanda xaricilərin bank kartları ilə xərcləmələri 26 %-ə yaxın artıb

Bu ilin yanvar-noyabr aylarında əcnəbilər Azərbaycanda bank kartları vasitəsi ilə 2 milyard 498,8 milyon manatlıq əməliyyat aparıb.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin (İİTKM) “İxrac İcmalı”nın dekabr buraxılışında bildirilir.

Sənədə əsasən, bu, ötən ilin eyni dövrü ilə müqayisədə 25,5 % çoxdur.

Təkcə noyabrda isə xarici vətəndaşların bank kartları vasitəsi ilə ölkəmizdə apardıqları əməliyyatların dəyəri 259,1 milyon manat təşkil edib. Bu da 1 il əvvələ nisbətən 42,5 % çoxdur.