Azərbaycanda rәqәmsal bankçılığın xüsusi çəkisi açıqlanıb

2025-ci ildə Azərbaycanda bank müştәrilәrinin cari hesablarından kağız daşıyıcılar və rəqəmsal bankçılıq vasitəsilə aparılan köçürmәlәrin sayı 1 milyard 060 milyon әdәd, məbləği isә 507,4 milyard manat tәşkil edib.

"Report" bu barədə Azərbaycan Mərkəzi Bankına (AMB) istinadən xəbər verir.

Məlumata görə, aparılan köçürmәlәrin say üzrә 94,4 %-i, məbləğ üzrә isә 82,5 %-i mәhz rәqәmsal bankçılıq vasitәsilә reallaşdırılıb.

Ötən il internet bankçılıq xidmәtlәri vasitәsilә aparılan müştәri köçürmәlәrinin məbləği əvvəlki ilə nisbətən 12,4 % artaraq 308,9 milyard manat, mobil bankçılıq xidmәtlәri vasitәsilә aparılan müştәri köçürmәlәrinin məbləği isə 14,3 % artaraq 73 milyard manat olub.