Azərbaycanda problemli kreditlərin xüsisi çəkisi 12%-ə çatıb

Bakı. 14 iyul. REPORT.AZ/ Azərbaycanda ödəmə vaxtı keçmiş kreditlərin ümumi həcmi 2017-ci il iyunun 1-nə 1 739,8 mln. manat təşkil edib.

“Report” Azərbaycan Mərkəzi Bankına istinadən xəbər verir ki, bu, əvvəlki ayla müqayisədə 145,8 mln. manat və yaxud 9,15% çoxdur.

Son bir ildə isə vaxtı keçmiş kreditlər 225,6 mln. manat və yaxud 14,90% artıb.

Qeyd edək ki, bu il iyunun 1-nə problemli kreditlər ümumi kredit portfelinin 11,76%-ni təşkil edib. Bu nisbət əvvəlki ayda 10,32%, 2016-ci ilin analoji dövründə isə 8,32% olub.