Azərbaycanda ödəniş xidmətləri üçün kreditin məbləği və müddəti artırıla bilər

"Ödəniş sistemləri və ödəniş xidmətləri haqqında" Qanunda iki aylıq ödəniş xidmətləri üçün 50 manat məbləğində kredit verilməsinin nəzərdə tutulması ilkin mərhələ üçün kifayət qədər qənaətbəxş hesab oluna bilər.

"Report" xəbər verir ki, bunu jurnalistlərə açıqlamasında Azərbaycan Fintex Assosiasiyasının İdarə Heyətinin sədri Ruslan Talıbov deyib.

O hesab edir ki, Azərbaycan Mərkəzi Bankı bu istiqamətdə çox liberal davranıb:

"Bir çox ölkələrdə heç bu da yoxdur. Gələcəkdə bu məbləğin və müddətin artırılması ilə bağlı Mərkəzi Bankla əməkdaşlığımız davam edə bilər".