Azərbaycanda manatla geniş pul kütləsi 24 %-dək artıb

Bu ilin oktyabrın 1-nə Azərbaycanda geniş mənada pul kütləsinin həcmi 40 milyard 150,4 milyon manat təşkil edib.

"Report"un Azərbaycan Mərkəzi Bankına istinadən verdiyi xəbərə görə, geniş mənada pul kütləsinin həcmi bu ilin sentyabrın 1-i ilə müqayisədə 2,8 %, ilin əvvəlinə nisbətən 15,9 %, illik müqayisədə isə 24,6 % artıb.

Manatla geniş mənada pul kütləsinin həcmi sentyabrın sonuna 27 milyard 698,7 milyon manat təşkil edib. Bu, avqustun sonuna olan analoji göstəricidən 2,7 %, ilin əvvəli ilə müqayisədə 16 %, illik müqayisədə isə 23,6 % çoxdur.