Azərbaycanda daha bir şirkət valyuta mübadiləsi fəaliyyətinə lisenziya alıb

Azərbaycan Mərkəzi Bankının (AMB) İdarə Heyətinin qərarı ilə "Meta-Kapital" MMC-yə valyuta mübadiləsi fəaliyyətinə lisenziya verilib.

Bu barədə "Report"a tənzimləyici qurumdan bildirilib.

Bununla da, ölkədə bu növ lisenziyası olan şirkətlərin sayı “Eliko”, “Delta Capital”, “Zuhur” və “Bakı Mərkəzi Valyuta” MMC-lərlə birlikdə 5-ə çatıb.

Xatırladaq ki, "Meta-Kapital" bu ilin martında 10 manat nizamnamə kapitalı ilə yaradılıb. Şirkətin hüquqi ünvanı Bakı şəhəri, Nərimanov rayonu, Mustafa Kamal Atatürk prospekti, ev 33, mənzil 41 olsa da, Bakı şəhəri, Yasamal rayonu, İzmir küçəsi, 7B ünvanında fəaliyyət göstərir. Onun qanuni təmsilçisi Samir Mirməmməd oğlu Aslanovdur.