Azərbaycan və Qazaxıstanın mərkəzi bankları tədiyyə balansı sahəsində təcrübə mübadiləsi aparıblar

Azərbaycan və Qazaxıstanın mərkəzi bankları makroiqtisadi təhlil məsələlərini müzakirə ediblər.

“Report” xəbər verir ki, bu barədə Qazaxıstan KİV-ləri məlumat yayıb.

“Azərbaycan Mərkəzi Bankının nümayəndə heyəti makroiqtisadi təhlil üzrə texniki yardım çərçivəsində Qazaxıstana səfər edib. Mərkəzi bankların müvafiq bölmələri qısa və ortamüddətli proqnozlaşdırma modellərindən istifadə, borc yükünün qiymətləndirilməsi alətlərinin təkmilləşdirilməsi və fiskal siyasət parametrlərini müzakirə ediblər”, - məlumatda qeyd edilib.

Bundan başqa, tərəflər bank sistemində likvidliyin və tədiyyə balansı göstəricilərinin təhlili və proqnozlaşdırılması sahəsində təcrübə mübadiləsi aparıblar.