Azərbaycan manatının nominal effektiv məzənnəsi iyunda artıb

Bu ilin iyul ayının 1-nə Azərbaycan manatının xarici valyutalara nisbətən nominal effektiv məzənnəsi 91,9 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,3 bənd, ilin əvvəlinə nisbətən 6,5 bənd, ötən ilin eyni dövrü ilə müqayisədə 14,9 bənd çoxdur.

Bu ilin iyun ayının sonuna manatın real effektiv məzənnəsi isə 114,3 bənd təşkil edib. Bu isə aylıq müqayisədə 1,5 bənd az, ilin əvvəlinə nisbətən 0,7 bənd, illik müqayisədə isə 12,8 bənd çoxdur.