Azərbaycan manatının nominal effektiv məzənnəsi artıb

Bu il iyul ayının 1-nə Azərbaycan manatının xarici valyutalara nisbətən nominal effektiv məzənnəsi 77 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,2 bənd, ilin əvvəlinə nisbətən 1,4 bənd, ötən ilin eyni dövrü ilə müqayisədə isə 0,7 bənd çoxdur.

İyunun sonuna milli valyutanın real effektiv məzənnəsi isə 101,4 bənd təşkil edib. Bu isə aylıq müqayisədə 1 bənd az, ilin əvvəlinə nisbətən 1,1 bənd çox, illik müqayisədə isə 1,4 bənd azdır.