Azərbaycan manatının effektiv məzənnələri avqustda artıb

Bu ilin sentyabr ayının 1-nə Azərbaycan manatının xarici valyutalara nisbətən nominal effektiv məzənnəsi 95,6 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 1,2 bənd, ilin əvvəlinə nisbətən 10,2 bənd, ötən ilin eyni dövrü ilə müqayisədə 18,2 bənd çoxdur.

Bu ilin avqust ayının sonuna manatın real effektiv məzənnəsi isə 119,1 bənd təşkil edib. Bu isə aylıq müqayisədə 1,6 bənd, ilin əvvəlinə nisbətən 5,5 bənd, illik müqayisədə isə 16,7 bənd çoxdur.