Azərbaycan bu il xalis maliyyə öhdəliklərini 146 milyon dollar artırıb

Bu ilin I yarısında Azərbaycanın xalis maliyyə öhdəliklərinin artımı 145,6 milyon ABŞ dolları təşkil edib ki, bu da ötən ilin eyni dövrü ilə müqayisədə 77,35% azdır.

"Report" bu barədə Azərbaycan Mərkəzi Bankına istinadən xəbər verir.

Məlumata görə, xalis maliyyə öhdəliklərinin artımı Azərbaycana cəlb olunmuş birbaşa investisiyaların 250,1 milyon ABŞ dolları artımı (23,8% az), neft bonusunun 451,6 milyon ABŞ dolları artımı (0,2% çox), portfel investisiyalarının 87 milyon ABŞ dolları azalması (4,3 dəfə çox) və digər investisiyaların 760,3 milyon ABŞ dolları azalması (6,8 dəfə çox) hesabına baş verib.