Azərbaycan banklarının xalis xarici aktivləri 11 %-dək artıb

Bu il dekabrın 1-nə Azərbaycan banklarının xalis xarici aktivləri 19 milyard 212,5 milyon manat təşkil edib.

“Report” Azərbaycan Mərkəzi Bankına istinadən xəbər verir ki, bu, noyabrın 1-i ilə müqayisədə 2,2 % çox, ilin əvvəli ilə müqayisədə 4,2 %, ötən ilin analoji dövrü ilə müqayisədə isə 10,6 % çoxdur.

Bu il noyabrın sonuna bankların xalis daxili aktivləri 13 milyard 818,8 milyon manat təşkil edib ki, bu da, oktyabr ayı ilə müqayisədə 1,2 % çox, ilin əvvəli ilə müqayisədə 28,6 %, illik müqayisədə isə 41,4 % çoxdur.

Bu il dekabrın 1-nə Azərbaycanın bank sektorunun aktivləri 35 milyard 604,5 milyon manat təşkil edib. Bu, ötən il yanvarın 1-i ilə müqayisədə 15,8 % çoxdur.

Ölkədə 26 bank fəaliyyət göstərir.