"Azər-Türk Bank" ötən ili 7,4 mln. manat xalis mənfəətlə başa vurub

Bakı. 30 yanvar. REPORT.AZ/ “Azər-Türk Bank” ASC-nin cəmi aktivləri 1 yanvar 2017-ci il tarixinə 475,794 mln. manat təşkil edib.

Bu barədə “Report”a bankdan bildirilib.

Məlumata görə, ötən ilin yekununda “Azər-Türk Bank”ın kredit portfelinin həcmi 150,162 mln. manat olub. İl ərzində bankın nizamnamə kapitalı sabit – 50 mln. manat qalsa da, məcmu kapitalı 6,7 mln. manat artaraq, 57,6 mln. manata çatıb.

Bank aktivlərinin səmərəliliyini əks etdirən ROA əmsalı 1,07%, kapitalın gəlirliliyi (ROE) 15,39% təşkil edib.

Hesabat ilində bank 267,976 mln. manat depozit cəlb edib ki, bunun da 135,954 mln. manatı əhalinin əmanətləridir.

“Azər-Türk Bank”ın ümumi gəlirləri 47,365 mln. manat, ümumi xərcləri 37,773 mln. manat, xalis mənfəəti isə təxminən 7,4 mln. manat təşkil edib.

1995-ci ildən fəaliyyət göstərən “Azər-Türk Bank” ASC-nin səhmlərinin 75%-i Azərbaycan hökumətinə məxsusdur. Bankın xidmət şəbəkəsi, məhsul və xidmətləri barədə daha ətraflı məlumatı www.azerturkbank.az saytından, bankın sosial şəbəkələrdəki rəsmi korporativ səhifələrindən, yaxud (012) 945 nömrəli Məlumat Mərkəzindən əldə etmək olar.