Avrozonada illik inflyasiyanın zəifləyəcəyi gözlənilir

Analitiklər Avrozonanın 19 ölkəsində illik inflyasiya səviyyəsinin oktyabr ayında 9,9%-dən 9,8%-ə enəcəyini proqnozlaşdırırlar.

“Report” xəbər verir ki, rəsmi məlumatları bu gün Avropa İttifaqının Statistika Bürosu (Avrostat) açıqlayacaq.

Eyni zamanda, Avrostat 19 Avrozona ölkəsi üzrə ÜDM məlumatlarını dərc edəcək. İlkin hesablamaya görə, üçüncü rübdə göstərici illik ifadədə 2,1%, rüblük ifadədə isə 0,2% artıb.