“Amazon”un səhmləri 8 %-ə yaxın ucuzlaşıb

ABŞ-ın elektron ticarət nəhəngi “Amazon” şirkətinin səhmləri 7,5% ucuzlaşaraq 3 599 dollara düşüb.

“Report” xarici mətbuata istinadən xəbər verir ki, bu barədə NASDAQ fond birjasının açıqladığı məlumatlarda bildirilir.

Səhmlərin ucuzlaşmasına səbəb kimi korporasiyanın gəlirlərinin artım tepminin son 3 ildə ilk dəfə aşağı düşməsi və III rüb üçün gəlirlər üzrə gözləniləndən daha zəif proqnoz verməsi göstərilir.

Gəlirlərin artım tempinin zəifləməsi pandemiya dövründə qapanma ilə əlaqədar olaraq internet mağazalar ətrafında yaranan təşvişin getdikcə azalması ilə əlaqələndirlir.