"Amazon”un gəlirlərinin artım tempi son üç ildə ilk dəfə aşağı düşüb

ABŞ-ın elektron ticarət nəhəngi “Amazon” korporasiyası gəlirlərinin artım tepminin son 3 ildə ilk dəfə aşağı düşdüyünü bəyan edib.

"Report” xarici mətbuata istinadən xəbər verir ki, şirkət eyni zamanda III rüb üçün gəlirlər üzrə gözləniləndən daha zəif proqnoz verib.

“Amazon” II rübdə 7,8 milyard ABŞ dolları xalis mənfəət əldə edib. Bu, indiyə qədər əldə edilmiş 2-ci ən yaxşı rüblük göstəricidir. Eyni dövrdə şirkət 115,2 milyard dollar proqnoz qarşısında 113,1 milyard dollar gəlirə nail olub.