Voleybol üzrə dünya çempionatında bütün yarımfinalçılar bəlli olub

Polşa və Sloveniyada kişi voleybolçular arasında keçirilən dünya çempionatında bütün yarımfinalçılar müəyyənləşib.

"Report"un məlumatına görə, son olaraq Braziliya və meydan sahibləri Polşa adını növbəti mərhələyə yazdırıb.

1/4 finalda "sambaçılar" Argentinanı 3:1 (25:16, 23:25, 25:22, 25:21), polşalılar isə ABŞ-ı 3:2 (25:20, 27:25, 21:25, 22:25, 15:12) hesabı ilə məğlub edib. Bu komandalar finala gedən yolda bir-birinə rəqib olublar. Digər yarımfinal matçında isə Sloveniya və İtaliya kollektivləri üz-üzə gələcəklər.

Qeyd edək ki, yarımfinal matçları sentyabrın 10-u və 11-də keçiriləcək.