"Sabah" basketbol klubu avrokubok oyunları üçün Şimali Makedoniyaya yollanıb

"Sabah" basketbol klubu FIBA Avropa Kubokunun təsnifat mərhələsinin qrup oyunlarında iştirak üçün Şimali Makedoniyanın paytaxtı Skopyeyə yollanıb.

"Report"un məlumatına görə, komanda bu gün axşam saatlarında sözügedən şəhərə çatacaq.

Qeyd edək ki, Azərbaycan təmsilçisi qrup mərhələsində ilk matçını oktyabrın 2-də Bakı vaxtı saat 19:30-da Niderlandın "Donar Qroningen" klubuna qarşı keçirəcək.