Azərbaycan prezidenti “Formula-1”in rəhbərini qəbul edib

Bakı. 8 oktyabr. REPORT.AZ/ Bu gün Azərbaycan prezidenti İlham Əliyev “Formula-1”in rəhbəri Bernard Ekklstounu qəbul edib. “Report”un xəbərinə görə, görüşdə Azərbaycanda idmanın inkişafına dövlət səviyyəsində göstərilən diqqətin önəmi qeyd olunub, Azərbaycanın mötəbər beynəlxalq idman tədbirlərinin keçirilməsi üçün artıq yaxşı təcrübəyə malik olduğu vurğulanıb.

Söhbət zamanı 2016-cı ildə Azərbaycanda keçirilməsi nəzərdə tutulan “Formula-1” yarışının da yüksək səviyyədə təşkil olunacağına əminlik ifadə edilib, bu tədbirin Azərbaycanın idman sahəsində beynəlxalq əməkdaşlığının daha da genişləndirilməsi işinə xidmət edəcəyi bildirilib.