Azərbaycanın daha iki güləşçisi Bakıdakı dünya çempionatında medal qazanıb

Qadın güləşçilərdən ibarət Azərbaycan millisi Bakıda keçirilən hərbçilər arasında dünya çempionatında çıxışını başa vurub.

"Report" xəbər verir ki, yarışın üçüncü günündə daha iki idmançımız medal qazanıb.

Jalə Əliyeva (57kq) qızıl, Birgül Soltanova (62 kq) bürünc mükafata sahib olub.

Beləliklə, qadınlardan ibarət yığmamız medalların sayını 6-ya çatdırıb.

Qeyd edək ki, yarışda ötən gün Ruzzana Məmmədova (49 kq) qızıl, Elnurə Məmmədova (52 kq) gümüş, Nərgiz Səmədova (50 kq) bürünc, Gültəkin Şirinova (53 kq) bürünc medala sahib olublar.

Qeyd edək ki, turnir dekabrın 3-dək davam edəcək.