“Türk Hava Yolları” İstanbul-Bakı-İstanbul reysini bərpa edir

Türkiyənin milli aviadaşıyıcısı “Türk Hava Yolları” şirkəti (THY) İstanbul- Bakı-İstanbul reysini bərpa edir.

“Report” bu barədə şirkətin rəsmi saytına  istinadən xəbər verir. 

Məlumata görə, artıq aviabiletlər satışa çıxarılıb. 

Qeyd edək ki,  Nazirlər Kabineti yanında Operativ Qərargah koronavirus pandemiyasının geniş yayılmasının qarşısını almaq üçün sərhədlərin bağlı qalma müddətini iyunun 15-ə qədər uzadıb.  Yalnız iyunun 8-dən sonra Naxçıvana uçuşların bərpası planlaşdırılır.