TRACECA-nın Azərbaycan hissəsində yükdaşımalar 7 %-ə yaxın artıb

Bu ilin yanvar ayında Avropa-Qafqaz-Asiya nəqliyyat dəhlizinin (TRACECA) Azərbaycan hissəsində daşınmış yüklərin həcmi 3 milyon 490,8 min ton, yük dövriyyəsi isə 803,8 milyon ton-km olub.

“Report” bu barədə Dövlət Statistika Komitəsinə istinadən xəbər verir.

Məlumata görə, bu, ötən ilin eyni dövrü ilə müqayisədə müvafiq olaraq 6,5 % və 4,3 % çoxdur.

Yüklərin 1 959,8 min tonu və ya 56,2 %-i avtomobil nəqliyyatı, 1 milyon 125,3 min tonu və ya 32,2 %-i dəmir yolu nəqliyyatı, 405,7 min tonu və ya 11,6 %-i dəniz nəqliyyatı ilə daşınıb.

Dəhliz vasitəsilə daşınmış yüklərin 23,1 %-i və ya 806,3 min tonunu tranzit yüklər təşkil edib.