İmişlidə yararsız vəziyyətdə olan səkilər bərpa edilir

İmişli şəhəri ərazisində yararsız vəziyyətdə olan səkilər bərpa edilir.

"Report"un Muğan bürosunun məlumatına görə, artıq şəhərin Aşıq Ələsgər küçəsinin piyada səkilərində yenidənqurma işləri başa çatıb.

Sözügedən ərazidə ümumi uzunluğu 2 100 metr olan səkilərə piyadaların sərbəst hərəkəti üçün yeni səki daşları və müasir döşəmə plitələri qoyulub, həmçinin layihə üzrə normativlərə uyğun əlil arabaları üçün panduslar düzəldilib. Yenidənqurma işləri hazırda İmişli şəhərinin H.Aslanov küçəsinin səkilərində davam etdirilir.

Qeyd edək ki, əvvəllər küçə boyu piyadalar üçün nəzərdə tutulan yolun hərəkət hissəsi yararsız olduğu üçün sakinlərin gediş-gəlişində çətinliklər yaranırdı.