İmişlidə dəmiryol keçidi təmir edilib

İmişli şəhərində bərbad vəziyyətdə olan dəmiryol keçidi təmir edilib.

"Report"un Muğan bürosunun məlumatına görə, təmir işi İmişli şəhər mərkəzini iki hissəyə ayıran, Ələt-Horadiz dəmiryol xəttinin Depo və Otuziki adlı yaşayış sahəsindən keçən hissəsində aparılıb.

Belə ki, dəmiryol xətti keçən hissə tamamilə sökülüb, keçid müasir tələblərə cavab verən formada təmir olunub.

Qeyd edək ki, həmin keçiddə yerləşən yol bərbad vəziyyətdə idi, bundan avtomobil sürücüləri əziyyət çəkirdilər.